🍗🍛BIRIANI YA KUKU WA KUCHOMA (GRILLED CHICKEN BIRIANI)

tarehe

 JINSI YA KUPIKA BIRIANI YA KUKU WA KUCHOMA (GRILLED CHICKEN BIRIANI)



MAHITAJI NA VIPIMO


🍚 Mchele wa Basmati/Pishori - 4 vikombe
🍗 Kuku
🧅 Vitunguu - 3
🍅 Nyanya/Tungule - 2
🫚 Tangawizi mbichi ilosagwa - 2 vijiko vya supu
🧄 Kitunguu saumu (thomu/galic) kilosagwa - 1 kijiko cha supu
🌶️ Pilipili mbichi nzima - 3
🍋 Ndimu - 2
🍛 Garama Masala/bizari mchanganyiko - 1 kijiko cha supu
🌿 Haldi/tumeric/bizari manjano - 1 kijiko cha chai
🌶️ Pilipili ya unga nyekundu - 1 kijiko cha chai
🥛 Mtindi/Yoghurt - 3 vijiko vya supu
🛢️ Mafuta - ½ kikombe


HATUA ZA UPISHI

Namna Ya Kutayarisha Na Kupika

  1. 🌀 Osha mchele, kisha roweka.
  2. 🧼 Safisha kuku vizuri, mkate vipande vya saizi ya kiasi na uweke katika bakuli.
  3. 🥣 Katika kibakuli kidogo, changanya:
    • 🫚 Tangawizi mbichi
    • 🧄 Thomu
    • 🍛 Bizari zote
    • 🌶️ Pilipili nyekundu ya unga
    • 🧂 Chumvi
    • 🥛 Mtindi
    • 🍋 Ndimu (kamua).
  4. 🥄 Punguza mchanganyiko kidogo weka kando.
  5. Mchanganyiko uliobakia, tia katika bakuli la kuku na uchanganye vizuri ili kuku arowanike (marinate) kwa dakika chache, hata nusu saa au zaidi.
  6. 🍗 Weka kuku katika treya ya kuoka au kuchoma katika oveni, kisha mchome (grill) huku ukiwa unageuzageuza hadi aive. Epua na weka kando.
  7. 🧅 Katakata vitunguu, 🍅 nyanya/tungule, na 🌶️ pilipili boga, kisha weka kando.
  8. 🛢️ Katika sufuria ya kupikia biriani, tia mafuta na kaanga vitunguu hadi vigeuke rangi ya hudhurungi (brown).
  9. Tia nyanya, pilipili mbichi, pilipili boga, na mchanganyiko uliopunguza awali.
  10. 🥘 Tia kuku na uchanganye vizuri.
  11. ⏳ Wakati unakaanga vitunguu ili kuokoa muda, huku chemsha mchele hadi uive nusu kiini, mwaga maji na chuja.
  12. 🥄 Punguza masala nusu yake na uweke kando.
  13. 🍚 Mimina wali kiasi juu ya masala, kisha mimina masala yaliyobakia, na juu yake tena mimina wali.
  14. 🔥 Funika na upike katika oveni hadi uive.
  15. 🍽️ Changanya unapopakua katika sahani.

Biriani yako iko tayari! 😋

Maoni

Chapisha Maoni